نعرض اليكم بعد اراء طلابنا السوريين المشاركين في التدريب المهني بشركة EDEKA (المبيعات) في لمانيا


سيكون هنالك سلسلة للمهن حسب آراء السوريين مقدمة من Syrer Azubis

انا بلشت اوسبلدونغ ب 1/8/2016 بمجال Verkäufer/bürokaufmann in Einzelhandel في شركة EDEKA
قبل ما بلش عملت براكتيكوم في هذه المهنة لأخد خلفية عن المهنة طبعا حبيتها كتير بسبب انه فيها تواصل كتير مع العالم وممكن تشكل معارف بشكل كبير بالوسط الألماني ومجال الشغل فيها كتير واسع بحيث فيك بعد الأوسبيلدونغ تشتغل بأي شركة مبيعات einzelhandel يعني مجالها كتير مطلوب بشركات الكبيرة .. بهمون موظف عندو خبرة اكاديمية وتعلمها تعلم بشركة ألمانية .. فمشان هيك بحب قول لكل شخص مهتم بمجال المبيعات يفكر بشكل جدي ..


¨
بالنسبة للدراسة انا درست بمدرسة المانية ريل شول ابشلوس فكانت شهادتي مقبولة
بس في المتقدم يكون دارس 11 صف برا ألمانيا
وبعد ثلاث سنوات ممكن ان تصبح مدير فرع او مسؤول مبيعات خاص لقطاع
بالنسبة للعمل ضمن شركتي كتير مريح ومرن .. بالنسبة للأوسبيلدونغ بهذا المجال لازم يكون عندك خبرة بكل المجالات ضمن العمل .. مو بس حتى بالمحل يلي انت فيه .. بل مثلا بالمستودع او على الحسابات او حتى بورشات عمل خارج الشركة
بالنسبة للدوام في شي اسمو Blockunterricht (هاد يعني لازم تداوم فترة طويلة بالمدرسة وفترة طويلة بشغل ) كمثال فيك تشتغل بشركة 8 اسابيع لازم بعدا تروح ع المدرسة 6 اسابيع وهكذا .. او فيك تروح يومين بالأسبوع ع المدرسة و3 بشركة .. وهذا النظام بالنسبة الي اللي اختروتو انو داوم بشكل جزئي ..
بالمدرسة مناخد مواد رياضيات ومحاسبة والألماني(لغات البيع الإحترافية) وانكليزي وقانون تخص هذا المجال .. مستوى اللغة المطلوب منك B1 ممتاز .. يفضل انو يكون الشخص اللي متقدم بيحكي بطلاقة لأنو شغلك هو عبارة عن احتكاك وتواصل مع العالم اللي بمحيطك (كزبائن او فريق عمل او تواصل مع شركات تانية )
بالنسبة للشغل ضمن الشركة لازم اعمل طلبيات اعرف كل المنتجات وطريقة عرضها وطريقة ابراز الإعلانات عنها كمجال احترافي .. للشخص اللي عندو اهتمام فيها رح يحس انو هالمهنة كتير حلوة وما رح يحس بالملل فيها
مدة الدراسة سنتين كـ Verkäufer كبائع او فيك تكمل السنة الثالثة وفيك تصير bürokaufmann (يعني مدير مبيعات تجزئة)
بالنسبة للرواتب السنة الاولى 750 وبالسنة الثانية 850 و الثالثة تقريبا 1000
الدوام بالمهنة عباةر عن 7 ساعات ونص بس كمان مرن لأنو فيك تحدد وقت شغلك ووقت عطلة بشكل مختلف حسب رغبتك
الشغلات الحلوة كمان انو في ندوات بشكل متواصل مع كل فروع ألمانيا .. يعني فيها سفر وتعارف على عالم بغير مدن وغير ولايات

¨

ليست هناك تعليقات

يتم التشغيل بواسطة Blogger.